12 ნოემბერს, თბილისის პირველი ექსპერიმენტული სკოლის მე-6 კლასის მოსწავლეებმა „მარგებელი ჰოლდინგის" წარმომადგენლებს სპეციალური მიღება - „ღია კარის დღე" მოუწყვეს.
პატარებმა, ჯანსაღი კვების თემაზე პრეზენტაციები გამართეს, მოამზადეს გასართობი სკეჩები, კედლის გაზეთები და ბოლოს, მოულოდნელი სიურპრიზი - პატარებმა თავიანთი ნაფიქრალი, ნანახი და სიყვარული გადმოსცეს.
ყველაფერი კი, 21 ოქტომბერს დაიწყო, როდესაც „მარგებელი ჰოლდინგის" "სოფლის მეურნეობის ტურში" მიიღეს მონაწილეობა და ჰოლდინგში შემავალი საწარმოები „მარნეულის სასურსათო ქარხანა", „მარნეული აგრო" და თელეთის „ფერმა მარგებელი" მოინახულეს. პატარებმა ტურის დროს მიღებული შთაბეჭდილებები ფურცელზე გადაიტანეს და "მარგებელი ჰოლდინგის" წარმომადგენლებს თექისგან დამზადებული ნამუშევარი უსახსოვრეს.
შეგახსენებთ, რომ „მარგებელი ჰოლდინგის" ტურები პიარისა და მარკეტინგული კომუნიკაციების კომპანია ჯეპრას ორგანიზებით ხორციელდება.
„მარნეულის სასურსათო ქარხანა" „მარგებელი ჰოლდინგის" ნაწილია, რომელიც 2007 წელს დაარსდა და საქართველოში ერთ-ერთი უმსხვილესი საწარმოა. ქარხანა, რომელიც ევროპული სტანდარტების მქონე დანადგარებითაა აღჭურვილი, 50-მდე დასახელების ქართული ნედლეულისგან დამზადებულ, ნატურალურ და გემრიელ საკონსერვო პროდუქტს უშვებს. ქარხანას ნედლეულით ჰოლდინგში შემავალი კომპანია „მარნეული აგრო" და ადგილობრივი მცირე სასოფლო მეურნეობები ამარაგებენ. საწარმოს ტექნიკური შესაძლებლობა, ადგილობრივი ნედლეულის მაღალ ხარისხთან ერთად, ქართულ ბაზარზე უალტერნატივო პროდუქტს სთავაზობს. ქილაში ჩადებული თითოეული პროდუქტი ქართულ მიწაზეა მოყვანილი და 100 პროცენტით ქართულია. შესაბამისად, M ნიშანი საქართველოში ხარისხისა და ჯანსაღი საკვების სინონიმად იქცა.
