პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძისა და რუსეთის საგარეო საქმეთა მინისტრის მოადგილის გრიგოლი კარასინის მორიგი შეხვედრა პრაღაში 21 ნოემბერს გაიმართება. როგორც ,,ჯი-ეიჩ-ენთან" საუბარში აბაშიძემ განმარტა შეხვედრაზე მხარეები ერთი წლის მუშაობას შეაჯამებენ.
,,ერთი წელი სრულდება რაც დავიწყეთ დიალოგი და შეხვედრის დროს შევაჯამებთ განვლილი ერთი წლის მანძილზე რა გაკეთდა, რა დარჩა გასაკეთებელი. ჩვენ გვაქვს ჩვენი თემები, ვაჭრობა, სატრანსპორტო კავშირები, ჰუმანიტარული ურთიერთობები, კულტურული ურთიერთობები და ამგვარი საკითხები. რაც შეეხება უსაფრთხოებას, კონფლიქტურ რეგიონებთან დაკავშირებულ თემებს ამას ჟენევის ფორმატში განიხილავენ", _განაცხადა ,,ჯი-ეიჩ-ენთან" საუბარში ზურაბ აბაშიძემ.
მისივე განმარტებით, შეხვედრას ასევე დაესწრება რუსეთისა და საქართველოს საგარეო საქმეთა სამინიტროებიდან თითო-თითო წარმომადგენელი.
,,შეხვედრას ასევე დაესწრებიან რუსეთისა და საქართველოს საგარეო საქმეთა სამინისტროს წარმომადგენლები. ქართული მხრიდან დაესწრება რუსეთის სამმართველოს უფროსი ზურაბ კოზმავა", _განაცხადა ზურაბ აბაშიძემ.
აბაშიძემ იმედი გამოთქვა, რომ მასსა და გრიგოლი კარასინის შეხვედრის წინ საოკუპაციო ხაზთან რუსი ოკუპანტების მიერ მდგომარეობა ისევ არ დაიძაბება.