აბაშაში ნავთობით დატვირთული მატარებელი რელესებიდან გადავიდა და გადაყირავდა. როგორც "ჯი-ეიჩ-ენს" თვითმხილველებმა განუცხადეს, ნავთობი დაიღვარა და მატარებელს ცეცხლი გაუჩნდა.
აღნიშნული ფაქტი ”ჯი-ეიჩ-ენს” შინაგან საქმეთა სამინისტროს საზოგადოებასთან ურთიერთობის დეპარტამენტში დაუდასტურეს.
უწყების ინფორმაციით, შემთხვევა დღეს, დაახლოებით 12:00 საათზე მოხდა. აღმოსავლეთიდან დასავლეთ საქართველოს მიმართულებით მოძრავი სატვირთო მატარებლის 2 ვაგონი გადაყირავდა და ავარიის შედეგაც ცეცხლი გაჩნდა, თუმცა არავინ დაშავებულა.
შსს-ს ინფორმაციით, ინციდენტის ადგილზე შინაგან საქმეთა სამინისტროს საგანგებო სიტუაციების მართვის სამსახურის მაშველები დროულად გამოცხადდნენ და ცეცხლის ლიკვიდირება დროულად მოხდა.
ჯერჯერობით უცნობია რომელ კომპანიას ეკუთვნოდა აღნიშნული სატვირთო მატარებლით გადასატანი საწვავი. ასევე დაუდგენელია ზარალის ზუსტი ოდენობა.
შსს-ს 112-ის სამსახურში სარკინიგზო მაგისტრალის აბაშის მონავეთზე მომხდარი ავარიის თაობაზე შეტყობინება დღეს 12:11 საათზე შევიდა.
