თავზე ჩატარებული გადაუდებელი ოპერაციის გამო, ლუბა ელიაშვილის ჯანმრთელობის მდგომარეობა სტაბილურად მძიმეა.
როგორც "ჯი-ეიჩ-ენს" ინგოროყვას კლინიკის პრესასთან და საზოგადოებასთან ურთიერთობის სამსახურის უფროსმა ლელა მანაგაძემ განუცხადა, ტელეკომპანია "მეცხრე არხის" ყოფილი გენერალური დირექტორი ინსულტის დიაგნოზით კლინიკაში გუშინ საღამოს მოათავსეს.
"გუშინ საღამოს ურთულესი ოპერაცია ჩაუტარეს ნეიროქირურგებმა და ამჟამად რეანიმაციულ განყოფილებაშია მოთავსებული. მდგომარეობა ამ დრომდე სტაბილურად მძიმეა. შესაძლო გართულებებზე საუბარი ამ ეტაპზე შეუძლებელია. დაველოდოთ მდგომარეობიდან გამოსვლას,"- განაცხადა ლელა მანაგაძემ.