სახალხო დამცველის აპარატის პრევენციის და მონიტორინგის დეპარტამენტის 3-მა თანამშრომელმა - მაია გიგინეიშვილმა, ამირან ნიკოლაიშვილმა და გურამ ბედნდიაშვილმა პირადი განცხადების საფუძველზე თანამდებობები დატოვეს.
აღნიშნულმა პირებმა სამსახურის დატოვების თაობაზე მიღებული გადაწყვეტილების მიზეზებზე მათი დეპარტლამენტის ყოფილ უფროსთან, ნათია იმნაძესთან ერთად გამართულ პრესკონფერენციაზე ისაუბრეს.
მათი განცხადებით, აგვისტოში სასჯელაღსრულების #7 დაწესებულებაში სათვალთვალო კამერები უკანონოდ დამონტაჟდა, ამის შესახებ სპეციალური დასკვნა მოამზადეს, თუმცა მათი თქმით, სახალხო დამცველის ბრძანებით, აღნიშნული რეკომენდაციები ბაზიდან წააშლევინეს.
სახალხო დამცველის აპარატის ყოფილი თანამშრომლები კიდევ რამდენიმე შემთხვევას იხსენებენ, რომელთა გასაჯაროების უფლებაც უშუალოდ ომბუდსმენის და მისი მოადგილის ბრძანებით არ მიეცათ.
"როდესაც სახალხო დამცველი საუთარი თანამშრომლის უფლებას არღვევს, ზედმეტია საუბარი იმაზე, რომ მან შეიძლება სხვისი უფლებები დაიცვას. იყო კომუნიკაციის აბსოლუტური არქონა, გაურკვეველი იყო რატომ, მაგრამ გამარჯობასაც კი არ ამბობდნენ. საუბარია სახალხო დამცველის მოადგილეზე. ასევე იყო საგარეჯოს სმმართველოში მომხდარი ინციდენტი, სადაც ჩვენ შესულები ვიყავით რწმუნებით და უფლება გვქონდა, მაგრამ იქიდან ფაქტიურად ძალის გამოყენებით გამოგვყარეს. შემდეგ კი, ამის სხვა თემებით გადაფარვა დაიწყო,"- განაცხადა მაია გიგინეიშვილმა.
სახალხო დამცველი უჩა ნანუაშვილი მისი ყოფილი თანამშრომლების ბრალდებების საპასუხო განცხადების გაკეთებას უახლოეს საათებში გეგმავს.
