მიმდინარე წლის, 9 ნოემბერს, საქართველოს ფინანსთა მინისტრი ნოდარ ხადური გულიკო ჩაფიძის სახელობის გულის კლინიკის საზეიმო გახსნას დაესწრო.
„მოხარული ვარ, რომ დღეს საქართველოს, თბილისს შეემატა ევროპული და მსოფლიო სტანდარტების შესაბამისი სამკურნალო დაწესებულება. ვულოცავ ქალბატონ გულიკო ჩაფიძეს, კლინიკის თანამშრომლებს და სრულიად საქართველოს. თუ აქამდე გარკვეული პრობლემები გვქონდა ამ მიმართულებით, დღეის შემდეგ, დარწმუნებული ვარ, რამდენიმე კლინიკაში და მათ შორის აღნიშნულ სამედიცინო დაწესებულებაში, ჩვენი თანამოქალაქეები მიიღებენ კვალიფიციურ, მსოფლიო დონის სამედიცინო მომსახურებას," - განაცხადა ფინანსთა მინისტრმა ნოდარ ხადურმა.
თანამედროვე ტექნოლოგიებით აღჭურვილი სამედიცინო დაწესებულების გახსნას დაესწრნენ საზოგადოების წარმომადგენლები. კლინიკის პერსონალი დალოცა სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთის და ცხუმ-აფხაზეთის მიტროპოლიტმა, უწმიდესმა და უნეტარესმა ილია მეორემ.
მასალის გამოყენების პირობები