თბილისის მასშტაბით ინფრასტრუქტურის მოწესრიგება აქტიურად მიმდინარეობს. ათივე რაიონში იცვლება მიწისქვეშა კომუნიკაციები, იგება ასფალტის საფარი და მიმდინარეობს სკვერებისა და ბაღების განახლება.
ვაზისუბის Iმ/რ-ში 15 კორპუსის მიმდებარე ტერიტორიაზე სანიაღვრე სისტემის რეაბილიტაცია განხორციელდა და ამით წლების განმავლობაში, ნალექების მოსვლის შემდეგ წარმოქმნილი პრობლემა მოგვარდა. ასევე შეიცვალა წყლის სისტემები, იგება ასფალტის საფარი და კეთდება ბეტონის ბორდიურები.
მიმდინარე სამუშაოები დღეს, თბილისის მერმა ისნის რაიონის გამგებელთან ერთად დაათვალიერა და ადგილობრივი მოსახლეობის პრობლემებს გაეცნო.
