თუ სურვილი ექნება მომავალ პრემიერს, მზად ვარ დავეხმარო იმ დიდ საქმეში, რომელსაც ევროპასთან მიახლოება ჰქვია,- ამის შესახებ იუსტიციის მინისტრმა თეა წულუკიანმა ახალი მინისტრთა კაბინეტის დაკომპლექტების საკითხის კომენტირებისას ისაუბრა.
წულუკიანის თქმით, ირაკლი ღარიბაშვილს ახალი მინისტრთა კაბინეტის შემადგენლობის დასაზუსტებლად ინდივიდუალური კონსულტაციები ჯერ არ დაუწყია.
"ჩვენ მას უნდა მივცეთ დრო, რადგან მას აკისრია ძალიან დიდი პასუხისმგებლობა სახელმწიფოს წინაშე, მან უნდა მიიყვანოს ევროპასთან და ეროპამდე ეს ქვეყანა. აქედან გამომდინარე, მანვე უნდა შეარჩიოს ის გუნდი, რომელიც მას ამის საშუალებას მისცემს. ვთვლი და მეჩვენება, რომ რომ ჩემი საქმით დამხარება ქვეყანას სჭირდება. თუ ამგვარი სურვილი ექნება მომავალ პრემიერ-მინისტრს, მე მზად ვარ რომ მას დავეხმარო იმ დიდ საქმეში, რომელსაც ევროპასთან მიახლოება ჰქვია,"- განაცხადა თეა წულუკიანმა.
