5 ნოემბერს გაგრაში აფხაზეთში მცხოვრები სომხების ფულით აგებული მაცხოვრის ტაძრის გახსნისა და კურთხევის ცერემონიალი გაიმართება. ინფორმაციას ამის შესახებ აფხაზური მედია ავრცელებს.
მათივე ინფორმაციით, ტაძრის გახსნის ცერემონიალზე გაგრაში ჩავა სომხეთის სამოციქულო ეკლესიის რუსეთის სამხრეთის ეპარქიის ეპისკოპოსი მოვსეს მოვსესიანი.
„ტაძარი ადგილობრივი სომხებისა და დიასპორის თანხებითაა აგებული. ახალი ტაძღის ესკიზები წმინდა ეჩმიაძინში დამზადდა. 1992 წლის 12 მაისს დამტკიცებული გეგმის მიხედვით ტაძარი ტრადიციული სომხური სტილით უნდა აგებულიყო და ამიტომაც სომხეთიდან სამშენებლო ტუფიც ჩამოიტანეს. თუმცა სამუშაოებს დაწყებულმა ქართულ-აფხაზურმა ომმა შეუშალა ხელი",_ იუწყება აფხაზური მხარე.