ეგეოსის ზღვაში გემის ჩაძირვის შედეგად დაკარგული ქართველი კაპიტნის ძებნა ისევ გრძელდება. როგორც ,,რუსთავი-2"-თან საუბარში საბერძნეთში საქართველოს კონსულმა გიორგი არჩემაშვილმა განაცხადა, სამძებრო სამუშაოებში საბერძნეთის შესაბამისი სამსახურები აქტიურად მონაწილეობენ.
მისივე განმარტებით, გემის ჩაძირვის შედეგად გადარჩენილი ხუთი მეზღვაური საქართველოში, სავარაუდოდ, კვირის ბოლოს დაბრუნდებიან. ისინი ამ ეტაპზე კუნძულ როდოსზე იმყოფებიან და მათ ჯანმრთელობას საფრთხე არ ემუქრება.
შეგახსენებთ, რომ სატვირთო გემი ,,შტელლა,, რომელზეც ქართული ეკიპაჟი იმყოფებოდა, საბერძნეთის საზღვართან ეგეოსის ზღვაში ჩაიძირა, მოხერხდა ხუთი მეზღვაურის გადარჩება, კაპიტნის ძებნა ამ დრომდე გრძელდება.