დღეს მყარი საფუძველი ჩაეყარა კონსტიტუციური მონარქიის აღდგენას,- ამის შესახებ ბიზნესმენმა ლევან ვასაძემ სვეტიცხოვლის ტაძარში დღეს გამართული ნათლობის ცერემონიალის დასრულების შემდეგ ჟურნალისტებთან საუბრისას განაცხადა.
"ყველას გილოცავთ, დღეს არის ისტორიული დღე. ჩვენი გული სავსეა სიხარულით, ჩვენი ერი, ჩვენი ქვეყანა ზეიმობს ჯერ თავის სახელმწიფოებრიობის აღდგენას, მერე ავტოკეფალიის აღდგენას და ახლა უკვე მყარი საფუძველი ჩაეყარა კონსტიტუციური მონარქიის აღდგენას როგორც გვაკურთხა მისმა უწმინდესობამ,"- განაცხადა ლევან ვასაძემ.
ცნობისთვის, დღეს სვეტიცხოველის ტაძარში ქართული სამეფო გვარის წარმომადგენლების, ანა ბაგრატიონ-გრუზინსკის და დავით ბაგრატიონ-მუხრანელის პირველი შვილის, უფლისწულ გიორგის ნათლობა გაიმართა. მას ოთხი ნათლია ჰყავს, რომელთა შორის პატრიარქი ილია მეორე და ბიზნესმენი ლევან ვასაძეც არიან.