საპროტესტო აქცია იმართება ზემო სვანეთის სოფელ ხაიშის ცენტრში. აქციის მონაწილეები "ხუდონ ჰესის" და სხვა დიდი ჰესების მშენებლობას ეწინააღმდეგებიან.
ადგილობრივებთან ერთად, აქციაზე იმყოფებიან უფლებადამცველები, მწვანეთა ორგანიზაციები, და არასამთავრობო სექტორის წარმომადგენლები.
აქციის დაწყებამდე, ხაიშში, წმინდა გიორგის ტაძარში ქვეყნის სადიდებელად და სვანეთის გადასარჩენად პარაკლისი აღევლინა.
დღესვე ტაძარში ადგილობრივებთან ერთად, ხატზე აქციის მონაწილეებმა დაიფიცეს, რომ ჰესის მშენებლობას არ დაუშვებენ.
საპროტესტო აქციის მონაწილეები მდინარე ენგურზე "ხუდონ ჰესის" დაგეგმილი მშენებლობის შეწყვეტას ითხოვენ.
