თბილისი-მცხეთის მონაკვეთზე (კმ17-კმ21) პირველი ეტაპის სამუშაოები დასრულდა დღეს, 3 ნოემბერს დილის 6:00 საათზე და ამ დროიდან ავტოტრანსპორტის მოძრაობა აღდგენილია თავისუფალ რეჟიმში.
ამავე დროს, აღნიშნული გზის კმ21-კმ25 (მცხეთა-საგურამო) მონაკვეთზე, მარცხენა მიმართულებით (საგურამო-მცხეთა) ასფალტობეტონის საფარის აღდგენითი სამუშაოების (II ეტაპი) დაწყებასთან დაკავშირებით, დღეიდან დილის 06:00 საათიდან იკრძალება ყველა სახის ავტოტრანსპორტის მოძრაობა საგურამო-თბილისის მიმართულებით.
როგორც ,,ჯი-ეიჩ-ენს" საავტომობილო გზების დეპარტამენტიდან აცნობეს ავტოტრანსპორტის მოძრაობა გადართული იქნება თბილისი-ნატახტარის მარჯვენა მიმართულებაზე და მოძრაობა განხორციელდება ორმხრივ რეჟიმში.
აღნიშნული რეჟიმით მოძრაობა განხორციელდება საპატრულო პოლიციის დეპარტამენტთან 2013 წლის 25 ოქტომბერს (№20/8-2121335) შეთანხმებული ავტოტრანსპორტის ნაკადის დროებითი მოძრაობის ორგანიზაციის სქემების (II ეტაპი) შესაბამისად.
