სოციოლოგიური და მარკენტინგული კვლევის ცენტრი SOCIS-ი, ახალი ამბების სააგენტო „ჯი-ეიჩ-ენისა" და გაზეთ „პრემიერის" დაკვეთით, საპრეზიდენტო არჩევნებისთვის, 27 ოქტომბერს, დამოუკიდებელ ეგზიტპოლს ჩაატარებს. როგორც დღეს გამართულ პრესკონფერენციაზე მედიასახლ „ჯი-ეიჩ-ენის" გენრალურმა დირექტორმა გოჩა მირცხულავამ განაცხადა, ეგზიტპოლის ჩატარების პროცესს აღმოსავლეთ ევროპის ერთ-ერთი ავტორიტეტულ კომპანია SOCIS-ის გენერალური დირექტორი ნიკოლაი ჩურილოვი პირადად უხელმძღვანელებს.
მისივე თქმით, ეგზიტპოლის პირველად შედეგები გამოქვეყნდება 27 ოქტომბერს 20:01 საათზე, ხოლო 22:00 საათზე საზოგადოებას დაზუსტებული შედეგები მიეწოდება.
"სააგენტო „ჯი-ეიჩ-ენი" და გაზეთი "პრემიერი" არ მონაწილეობენ კვლევის წარმოებაში. კვლევას სრულად უზრუნველყოფს კომანია SOCIS-ი" , - აცხადებს მირცხულავა.
მისივე თქმით, კომანია SOCIS-ი და მისი ხელმძღვანელი ნიკოლაი ჩურილოვი სოციოლოგიურ წრეებში მაღალი ავტორიტეტით სარგებლობენ. მათი გამოცდილება, კვლევის მეთოდოლოგია იძლევა იმის საფუძველს, რომ SOCIS-ის მიერ გამოქვეყნებული ეგზიტპოლის შედეგები საზოგადოებისთვის სანდო იქნება.
SOCIS-ის გენერალურმა დირექტორმა ნიკოლაი ჩურილოვმა განაცხადა, რომ არჩევნებამდე დარჩენილი ორი დღის განმავლობაში ტარდება ბოლო მოსამზადებლი სამუშაოები, ხდება ინსტრუქციების გაცემა და კომპანია ფაქტობრივად მზადა, 27 ოქტომბერს, ეგზიპოლის ჩასატარებლად.
„27 ოქტომბერს ჩვენ ოთხჯერ მოხდება მონაცემთა აკრეფა. ჩვენ გვექნება საარჩევნი დღის დინამიკის სრული სურათი. ნავარუდევია 12 100 ინტერვუის ჩატარება. ადგილებზე - 152 უბანზე იმუშავებს 304 ინტერვიუერი. ეს იქნება საქართველოს მაშტაბით ჩატარებული ყველაზე წარმომადგენლობითი ეგიტპოლი. ახალი ამბების სააგენტო „ჯი-ეიჩ-ენისა" და გაზეთ „პრემიერის" დაკვეთა ითვალისწინებდა, რომ მოგვეცვა რაც შეიძლება მეტი უბანი და გამოგვეკითხვა რესპოდენტების მაქსიმალური რაოდენობა. უმთავრესი აქცენტი კეთდება კვლევის ხარისხზე. და ჩვენ შედეგებს 27-ში ორ ეტაპად წარმოავადგენთ. 20:01 სასთზე და დაზუსტებულ შედეგებს 22:00 სათზე", - განაცხადა ნიკოლაი ჩურილოვმა.
დღეს გამართულ პრესკონფერენციაზე მხარებმა მედიას ასევე გააცნეს ეგზიპოლების ჩატარების მეთოდოლოგია.
ევროპის ახალი ამბების სააგენტოების ალიანსის (EANA) წევრი - სააგენტო „ჯი-ეიჩ-ენი"ქართულ მედია სინამდვილეში პირველი საგენტოა, რომელმაც ეგზიპოლის ჩატარების ინიციატივით გამოვიდა. „ჯი-ეიჩ-ენი" და გაზეთი „პრემიერი" მზადყოფნას გამოთქვამენ, SOCIS-ის მიერ ჩატარებული კვლევები, თავისუფალი გამოყენების რეჟიმში მიაწოდონ ყველა მედიასაშუალებასა და დაინტერესებულ პირს.
კვლევის ხელმძღვანელი: ნიკოლაი ჩურილოვი - სოციოლოგიურ მეცნიერებათა დოქტორი, უკრაინის მეცნიერებათა აკადემიის სიციოლოგიის ინსტიტუტის წამყვანი მეცნიერ თანამშრომელი, კომანია SOCIS-ის გენერალური დირექტორი. იგი არის ESOMAR -ის (მსოფლიოში ერთ-ერთი ყველაზე ცნობილი და გავლენიანი კვლევითი ასოციაცია, რომელიც შეიქმნა 1948 წელს. ESOMAR-ი აერთიანებს კომპანიებსა და ორგანიზაციებს, რომელებიც ატარებენ მარკეტინგულ კვლევებსა და საზოგადოებრივი აზრის შესწავლას) მუდმივი წევრი.
ნიკოლაი ჩურილოვი 10 წელია GallupInternational-ის თანამეგობრობის წევრია. არის უკრაინის სოციოლოგიური ასოციაციის ვიცე-პრეზიდენტი.
მიღებული აქვს მონაწილეობა საერთაშორისო პროექტებში: „ევრომონიტორინგი", „ტრასსასაზღვრო თანამშრომლობა", „მედიის როლი სოციალური კონფლიქტების გადაჭრაში" და.ა.შ.
1980 წელს დაიცვა საკანდიდატო დისერტაცია, ხოლო 1992 წელს სადოქტორო დისერტაცია თემაზე: „მსხვილმაშტაბიანი სარჩევნო სოციოლოგიური კვლევების პროექტირება".
არის 15 მონოგრაფიისა და 200-ზე მეტი სამეცნიერო ნაშრომისა და სტატის ავტორი.