15:00 საათზე, არასამთავრობო ორგანიზაცია „ადამიანი, კანონი, თავისუფლება" გამართვს აქცია-მსვლელობას (აირჩიე შენი მომავალი პრეზიდენტი!) მსვლელობა დაიწყება ფილარმონიიდან. დღის განმავლობაში ორგანიზაციის წარმომადგენლები სააგიტაციო მასალებს თბილისის ყველა რაიონში დაარიგებენ.
თბილისის პარალელურად ანალოგიური კამპანია გორისა და კასპის რაიონში გაიმართება. რეგიონებში სააგიტაციო ფლაიერებს ახალგაზრდული საკრებულოების წევრები დაარიგებენ.
კამპანია საზოგადოების გააქტიურებასა და არჩევნების პროცესში მაქსიმალურ ჩართულობას ემსახურება.
