ჰაერის ტემპერატურა ქვეყნის მასშტაბით დღეიდან მოიმატებს და უნალექო ამინდი მომავალი რამდენიმე დღის განმავლობაში შენარჩუნდება.
როგორც გარემოს დაცვის სააგენტოს მოკლევადიანი პროგნოზების განყოფილებაში აღნიშნავენ, უახლოეს დღეებში დასავლეთ საქართველოში ჰაერის ტემპერატურა 14 - 19 გრადუსის ფარგლებში იქნება, აღმოსავლეთში - 15- 20 გრადუსის ფარგლებში, ხოლო დედაქალაქში 18 გრადუსამდე დათბება.
"დღეს როგორც აღმოსავლეთ, ასევე დასავლეთ საქართველოში გამოიდარებს. დღე უნალექოდ ჩაივლის და იქნება უმეტესად უნალექო ამინდი. იქროლებს დასავლეთის ქარი 10 - 15 მეტრი წამის სიჩქარით. რაც შეეხება ტემპერატურას, დასავლეთ საქართველოში 14 - 19 გრადუსის ფარგლებში იქნება დაბლობში, აღმოსავლეთში - 15 - 20 გრადუსის ფარგლებში, ხოლო თბილისში ჰაერის მაქსიმალური ტემპერატურა 18 გრადუსამდე აიწევს,"- აცხადებენ გარემოს დაცვის სააგენტოს მოკლევადიანი პროგნოზების განყოფილებაში.