Walk Free Foundation-მა მსოფლიოს 162 ქვეყნის მონობის რეიტინგი „Global Slavery Index 2013"-ი გამოაქვეყნა, სადაც საქართველო ტოპ-50-ში მოხვდა. რეიტინგის მიხედვით, საქართველო 50-ე ადგილზეა და მხოლოდ ერთი საფეხურით უსწრებს 51-ე ადგილზე მყოფ აზერბაიჯანს და ასევე ერთი საფეხურით ჩამორჩება 49-ე ადგილზე მყოფ რუსეთს. სომხეთი კი „Global Slavery Index 2013"-ში 57-ე პოზიციაზე. აღსანიშნავია, რომ საქართველო რეგიონის ქვეყნებს შორის მე-4 ადგილზეა.
როგორც რეიტინგის შემდგენები განმარტავენ, ეს პირველი რეიტინია, რომელიც 162 ქვეყანას მოიცავს და შედგენილია მონობის სიტუაციის გაუმჯობესების მიხედვით.
რეიტინგში პირველ ადგილზეა მავრიტანია, ხოლო მეორე ადგილზე კი ჰატი. „Global Slavery Index 2013"-ში მესამე ადგილზე პაკისტანი, მეოთხე ადგილზე კი ინდოეთი, ხოლო მეხუთე ადგილზე ნეპალია.
რეიტინგში ბოლო პოზიციას, სამი ქვეყანა ინაწილებს, ესენია: დიდი ბრიტანეთი, ისლანდია და ირლანდია.
კვლევის ავტორებიმონობას განსაზღვრავენ, არა როგორც პიროვნების მდგომარეობას, რომლის წინააღმდეგაც ხორციელდება საკუთრებასთან დაკავშირებული ძალადობა, არამედ მოიცავს დამოკიდებულებას კრედიტორებისადმი, ქორწინებაზე იძულებას.
ირკვევა, რომ მსოფლიოში 30 მილიონი ადამიანი დღეს მონობაში ცხოვრობს. მათი დიდი ნაწილი ტრეფიკინგის მსხვერპლია. რეიტინგის ავტორთა მტკიცებით, ჩინეთში 2,9 მილიონი მონაა, პაკისტანში - 2,1 მილიონი, რუსეთში - 516 ათასი.
