დღეს, 23:30 საათიდან ხვალ დილის 08:00 საათამდე მოძრაობა გადაკეტილი იქნება ვახუშტის ხიდზე და შეზღუდვები დაწესდება მიმდებარე ტერიტორიაზე, როგორც მარჯვენა, ასევე მარცხენა სანაპიროებზე.
დედაქალაქის მერიის ინფორმაცით, თბილისის მერია ქალაქში არსებული საავტომობილო ხიდების რეაბილიტაციის მიზნით, განაგრძობს თითოეული ხიდის კვალიფიციურ კვლევას, რათა დეტალურად განისაზღვროს მათი მდგომარეობა.
კვლევა ხიდების ფიზიკურ დათვალიერებას, კონსტრუქციების შესწავლასა და ხიდების მდგრადობის გამოცდას ითვალისწინებს.