მთავრობის სხდომაზე მინისტრთა კაბინეტი სტომატოლოგიური კლინიკების ლიცენზირების საკითხს განიხილავს. როგორც ჟურნალისტებთან ჯანდაცვის მინისტრმა დავით სერგეენკომ განაცხადა, ამ დრომდე ნებისმიერს პირს შეეძლო სტომატოლოგიური აქტივობის დაწყება ისე, რომ სამინისტროს საქმის კურსში არ ჩაეყენებინა.
"ნებისმიერს შეეძლო ნებისმიერი აღჭურვითა და ფართით სტომატოლოგიური აქტივობის დაწყება ისე, რომ სამინისტროს საქმის კურსში არ აყენებდა. შესაბამისად, ჩვენ არ გვქონდა არანაირი ბერკეტი, გაგვეკონტროლებინა რა ხდებოდა რეალურად იქ. დღეს მთავრობის სხდომაზე სწორედ ეს საკითხი იქნება ერთ-ერთი განხილვის საგანი", - განაცხადა სერგეენკომ.
კითხვაზე ხომ არ გამოიწვევს სტომატოლოგიური კლინიკების ლიცენზირების საკითხის გადახედვა სტომატოლოგიური მომსახურების ფასების ზრდას, მინისტრის განმარტებით, რისკების გათვლა მოხდა ისე, რომ არ გაძვირდეს მომსახურება.
"ერთ პინაზე დევს საქართველოს მოქალაქეების ჯანმრთელობა, ძალიან მაღალი რისკი ც ჰეპატიტის და შიდსის, ხოლო მეორე მხარეს სტომატოლოგიური მომსახურების გაძვირება", - განაცხადა დავით სერგეენკომ.
