მოდის მარკეტინგით დაინტერესებულ ან სფეროში დასაქმებულ პირებს „კაპ ბიზნეს ლაბორატორია" ღია კარის დღეზე იწვევს. შეხვედრაზე ვიზიტორებს გააცნობენ „მოდის მარკეტინგის" სასერტიფიკატო კურსის სილაბუსს, ტრენერებს, სტრუქტურასა და უპირატესობებს.
როგორც ორგანიზატორებმა "ჯი-ეიჩ-ენს" აცნობეს, „მოდის მარკეტინგის" (Fashion Marketing) ტრეინინგ პროგრამა საქართველოში პირველად ხორციელდება და მის ფარგლებში თეორიულ თუ პრაქტიკულ გამოცდილებას უცხოელ სპეციალისტებთან ერთად, ქართველი პრაქტიკოსებიც გადასცემენ მონაწილეებს.
პროგრამის კოორდინატორები და ტრენერები ნინო იოსელიანი, ხატია შამუგია, ნათა ფოფხაძე, ოთარ ქირია, დარა აჰმედი, ზურაბ მგალობლიშვილი და ეკატერინე ფუტკარაძე ისაუბრებენ იმ მოდულების შესახებ, რომელთა შესწავლაც კურსის ფარგლებშია შესაძლებელი.
ღია კარის დღეს დაესწრება კურსით დაინტერესებული პირები შემდეგი სექტორებიდან: უცხოური ბრენდების წარმომადგენლობები, ქართული მოდის სახლები, პარფიუმერიის სავაჭრო ქსელი. ასევე სამხატვრო აკადემიის კურსდამთავრებულები და მოწვეული ცნობილი სახეები.
ღია კარის დღე „კაპ ბიზნეს ლაბორატორიის" ოფისში პარასკევს 17.00 საათზე დაიწყება ფინჯან ყავასთან ერთად. დასწრება თავისუფალია ნებისმიერი დაინტერესებული პირისთვის. მსურველებმა უნდა დარეკონ ნომერზე: 577202030; ან დარეგისტრირდნენ ლინკზე: http://tinyurl.com/nkvrqz7
პროგრამის საკონტაქტო პირი: ოთარ ქირია 577287070
დამატებით ინფორმაციისთვის: 995 577 202030 info@kaplab.ge www.kaplab.ge FASHION MARKETING tinyurl.com
