ხვალ, 17 ოქტომბერს, 11:00 საათზე, საქართველოს ტექნიკურ უნივერსიტეტში სტუ-სა და საჯარო რეესტრის ეროვნულ სააგენტოს შორის ურთიერთთანამშრომლობის მემორანდუმს მოეწერება ხელი. ღონისძიებას საჯარო რეესტრისა და საქართველოს ეკონომიკისა და მდგრადი განვითარების სამინისტროს წარმომადგენლები დაესწრებიან.
ამასთანავე, 17-18 ოქტომბერს საქართველოს ტექნიკური უნივერსიტეტის ბიზნეს-ინჟინერინგის ფაკულტეტის საინჟინრო-ეკონომიკის დეპარტამენტის ეკონომიკური განვითარებისა და მისი სამართლებრივი უზრუნველყოფის სამეცნიერო-კვლევითი ცენტრი ატარებს პირველ საერთაშორისო ეკონომიკური კონფერენციას - IEC 2013 - ,,ეროვნული ეკონომიკის განვითარების მოდელები: გუშინ, დღეს და ხვალ".
კონფერენციის პროგრამით გათვალისწინებული მიმართულებებია: 1. მრეწველობის განვითარების ძირითადი მიმართულებები (ალტერნატიული ენერგეტიკა, ბიოტექნოლოგია და ა.შ.); 2. სოციალური სექტორის (ჯანდაცვა, განათლება, დაზღვევა და ა.შ.) თანამედროვე პრობლემები; 3. აგრარული სექტორის განვითარების სტრატეგიები; 4. ინფრასტრუქტურის განვითარების ძირითადი ასპექტები; 5. ტურიზმი - ეროვნული ეკონომიკის ერთ-ერთი მნიშვნელოვანი სექტორი; 6. უძრავი ქონების ეკონომიკა; 7. მენეჯმენტი. ბიზნეს-პროცესების მართვა (ბიზნეს-ინჟინერინგი); 8. თანამედროვე მარკეტინგის უახლესი პრობლემები; 9. საბანკო საქმე, ბუღალტრული აღრიცხვა და აუდიტი; 10. ინვესტიციები და ინოვაციები, მათი კომერციალიზაცია. თავისუფალი ეკონომიკური ზონები და ტექნოპარკები; 11. სამართალი და პოლიტიკა; 12. საზოგადოების განვითარების ფილოსოფიური, სოციოლოგიური და ფსიქოლოგიური ასპექტები.
კონფერენციის სამუშაო ენებია ქართული, ინგლისური, რუსული. კონფერენციის მასალები გამოქვეყნდება ჟურნალში „ბიზნეს-ინჟინერინგი".
