2013 წლის ბოლოდან, მართვის მოწმობის მისაღები პრაქტიკული გამოცდის ჩაბარება შესაძლებელი იქნება, როგორც ავტომატურ ასევე მექანიკური გადაცემათა კოლოფის მქონე სარტანსპორტო საშუალებებზე.
იმ შემთხვევაში თუ მოქალაქე გამოცდას ავტომატურ გადაცემათა კოლოფის მქონე სატრანსპორტო საშუალებაზე ჩააბაროს, მას უფლება ექნება მხოლოდ ავტომატური კოლოფის მქონე ავტომობილის ტარება. ხოლო მოქალაქე, რომელიც მექანიკურ გადაცემათა კოლოფის მქონე სატრანსპორტო საშუალებებზე ჩააბარებს, მას უფლება ექნება მართოს ორივე სახის ავტომობილი.
შს სამინისტროს მომსახურების სააგენტო სისხლის ბანკთან ერთად სიახლის დანერგვას გეგმავს, რომლის განხორციელების შემთხვევაში, მართვის მოწმობაში მიეთითება მფლობელის სისხლის ჯგუფი და რეზუსი. მართვის მოწმობაში, სისხლის ჯგუფის და რეზუსის აღნიშვნა, ამ ეტაპზე ნებაყოფლობით ხასიათს ატარებს.
სისხლის ბანკის დახმარებით მომსახურების სააგენტოს ტერიტორიაზე განთავსდება ლაბორატორია, სადაც უახლოეს მომავალში მსურველებს საშუალება ექნებათ მართვის მოწმობის აღებისას უფასოდ მიიღონ ინფორმაცია საკუთარი სისხლის ჯგუფისა და რეზუსის შესახებ, ხოლო დონორობის შემთხვევაში, საშუალება ექნებათ ჩაიტარონ უფასო გამოკვლევა ოთხი სახეობის ვირუსზე.
