„ჩემი ოჯახის კლინიკის" ქსელში შემავალ თელავის რეფერალურ საავადმყოფოში ფუნქციონირებს ალერგოლოგის კაბინეტი, სადაც შესაძლებელია გარეგანი სუნთქვის ფუნქციის გამოკვლევა და კვალიფიციური კონსულტაცია თანამედროვე კომპიუტერული აპარატით - სპირომეტრით.
როგორც სააგენტოებთან ექიმი ალერგოლოგი მაია ხიმშიაშვილი აღნიშნავს, სპირომეტრია წარმოადგენს გარეგანი სუნთქვის ფუნქციის გამოკვლევის ბაზისურ მეთოდს, რომლის შედეგებიც გადამწყვეტი მნიშვნელობისაა ისეთი დაავადებების დიაგნოსტიკაში, როგორიცაა ბრონქული ასთმა და ფილტვების ქრონიკული ობსტრუქციული დაავადება.
თანამედროვე სპირომეტრი, რითაც აღჭურვილია თელავის რეფერალური საავადმყოფოს ალერგოლოგის კაბინეტი, ერთადერთია რაიონში, რომელიც სრულად ასახავს ფილტვის ფუნქციურ მდგომარეობას და საშუალებას იძლევა მოხდეს დროული, ადეკვატური მკურნალობა და მონიტორინგის ჩატარება.
