იუსტიციის მინსიტრის თეა წულუკიანის განცხადებით საზღვრისპირა სოფლებში მიწის დარეგისტრირება სწრაფი ტემპით მოხდება. ამის შესახებ წულუკიანმა საოკუპაციო ხაზთან არსებულ პრობლემებთან დაკავშირებით დროებითი სამთავრობო კომისიის მორიგი სხდომის დაწყებამდე განაცხადა.
,,საჯარო რეესტრმა იუსტიციის სამინისტროს სსიპმა მიიღო გადაწყვეტილება, რომ საზღვრისპირა სოფლებში იქ სადაც მოსახლეობას დარეგისტრირებული არ აქვს საკუთარი მამაპაპისეული აღვრიცხოთ მიწები სწრაფი ტემპით და იქ სადაც არის საშუალება დარეგისტრირდეს სწრაფ რეჟიმში მოხდეს საკუთრების უფლების რეგისტრაცია", _განაცხადა წულუკიანმა.
შეგახსენებთ, რომ რეგიონული განვითარებისა და ინფრასტრუქტურის სამინისტროში საოკუპაციო ხაზთან არსებულ პრობლემებთან დაკავშირებით დროებითი სამთავრობო კომისიის მორიგი სხდომა გაიმართება.
სხდომაზე საოკუპაციო ხაზთან მცხოვრები მოსახლეობის სარწყავი წყლით, შეშითა და გაზით მომარაგებს შესახებ იმსჯელებენ.
დღესვე უნდა გადაწყდეს კონკრეტულად რა რაოდენობის თანხა გამოიყოფა აღნიშნული სამუშაოების განსახორციელებლად.
სამთავრობო კომისიის დღევანდელ სხდომას სოფლის მეურნეობის, ენერგეტიკის, ფინანსთა და რეგიონული განვითარების სამინისტროს წარმომადგენლები ესწრებიან.