"ციხეებში მაყურებლები არსებობდნენ, არსებობენ და კიდევ იარსებებენ,"- ამის შესახებ სასჯელაღსრულების, პრობაციის და იურიდიული დახმარების საკითხთა მინისტრმა სოზარ სუბარმა ტელეკომპანია "რუსთავი 2"-ის ეთერში ისაუბრა.
მინისტრის თქმით, "მიუხედავად მაყურებლების არსებობისა, დღეს ციხეების მართვაზე მათი გავლენა მინიმალურია".
"ისინი ადმინისტრაციის დაველებებით აღარ აწამებენ ადამიანებს, წართმეული აქვთ ის უფლებები, რომლებიც ჰქონდათ. მათი საკნებიც ისევე იჩხრიკება, როგორც სხვების საკანი, მათ მიმართაც იგივე წესები მოქმედებს, როგორიც სხვების მიმართ, მათ არ აქვთ მობილური ტელეფონები, როგორც ადრე დაკანონებული ჰქონდათ. ახლაც შეიძლება ვიღაცამ შეინახოს და გადაინახოს, მაგრამ მათ დაკანონებული ჰქონდათ წინა ადმინისტრაციის პირობებში ეს მობილურები და დღეს ამბობენ - ხალხნო რას შვრებითო. ამ ყველაფერს დანახვა უნდა,"- განაცხადა სოზარ სუბარმა.
