საქართველო გახდება პირველი პარტნიორი-ქვეყანა, რომელი 2015 წლიდან ალიანსის რეაგირების ძალებს შეიძლება შეუერთდეს. განცხადება ამის შესახებ ჩრდილოატლანტიკური ალიანსის გენერალურმა მდივანმა ანდერს ფოგ რასმუსენმა ბრიუსელში ჟურნალისტებთან საუბრისას გააკეთა.
„საქართველომ შემოგვთავაზა რეაგირების ძალებთან შეერთება მომავაში და მისი ეს წინადადება მიღებულ იქნა", _ განაცხადა რასმუსენმა.
რასმუსენმა ასევე განაცხადა, რომ ნატოს რეაგირების ძალები მომავალ სწავლებებში Steadfast Jazz მონაწილეობას მიიღებენ უკრაინა და საფრანგეთი.
აღსანიშნავია, რომ მიმდინარე წელს ნატოს წევრი სახელმწიფოების სწავლებების Steadfast Jazz -ის სცენარი მოწინააღმდეგის მიერ ჯარების მართვის ინფრასტრუქტურაზე მასშტაბური კიბერიერიშის მიტანას ითვალისწინებს. განცხადება ამის შესახებ ალიანსის სამხედრო სარდლობამ გააკეთა.
სამხედრო სწავლებების ჩატარება 2013 წლის 2 -9 ნოემბერს იგეგმება პოლონეთისა და ბალტიისპირეთის ქვეყნების ტერიტორიაზე. ღონისძიებაში მონაწილეობას სამხედრო პოლიტიკური ბლოკის წევრი 28 ქვეყნიდან 6 ათასი სამხედრო მოსამსახურე მიიღებს მონაწილეობას.
მასალის გამოყენების პირობები