დღეს, საოკუპაციო ხაზთან არსებულ ვითარებას სურინამის რესპუბლიკის პარლამენტის თავმჯდომარე გაეცნობა. ჯენიფერ სიმონსი სოფელ დვანში ჩავა და ადგილობრივ მოსახლეობას შეხვდება.
,, ჩვენ რა თქმა უნდა, გვსმენია საქართველოს ოკუპაციის შესახებ და ვიცით, რომ პრობლემები გაქვთ ამ საკითხთან დაკავშირებით. სურინამში მსგავსი შემთხვევა არ გავქვს და გვინდა არსებულ მდგომარეობას უკეთ გავეცნოთ", _განაცხადა ჟურნალისტებთან ჯენიფერ სიმონმა.
ჯენიფერ სიმონთან ერთად ადგილზე ვითარებას რეინტეგრაციის საკითხებში საქართველოს სახელმწიფო მინისტრის პირველი მოადგილე ქეთევან ციხელაშვილიც გაეცნობა. როგორც ციხელაშვილმა განმარტა ოკუპირებულ ტერიტორიების მონახულებითა და ადგილზე არსებული სიტუაციის გაცნობით, საერთაშორისო თანამეგობრობის არაღიარების პოლიტიკა კიდევ უფრო განმტკიცდება.
