საქართველო, მოლდოვა, უკრაინა და სომხეთი ვლადიმერ პუტინის სადამსჯელო ღონისძიებებისა და მოსყიდვის ქვეშ მოექცნენ. წერს „The Washington Post"-ი სტატიაში სახელწოდებით „რუსეთი ზეწოლას ახდენს ყოფილ საბჭოთა რესპუბლიკებზე და მათ თავის ეკონომიკურ კავშირში ჩართვას ცდილობს".
„გამძვინვარებული ვლადიმერ პუტინი აკეთებს ყველაფერს სეასძლებელს იმისათვის რომ ევროკავშირსა და მოლდოვას შორის შეთანხმებას ზიანი მიაყენოს.
მიმდინარე თვეს რუსეთმა მოულოდნელად შემოიღო აკრძალვა მოლდოვური ღვინოების იმპორტზე და ეს რაღაც ბიუროკრატიული მიზეზებით ახსნა.
მოსკოვი ასევე მოლდოვაში გაზის მიწოდების შეწყვეტით იმუქრება, რომელიც ამ თვალსაზრისით მთლიანად რუსეთზეა დამოკიდებული. ამას გარდა, რუსეთში აკავებენ და დეპორტაციას ახდენენ მოლდოველი მუშებისა", _ წერს გაზეთი და აგრძელებს, რომ ვლადიმერ პუტინი აშინებს არა მხოლოდ მოლდოვას, არამედ საქართველოს, უკრაინასაც და სომხეთსაც.
„ამ ბოლო დროს ისინიც მოექცნენ პუტინის სადამსჯელო ღონისძიებებისა და მოსყიდვის ქვეშ. კრემლი ცდილობს არ დაუშვას ამ ქვეყნებსა და ევროკავშირს შორის ასოცირების შესახებ შეთანხმებების გაფორმება და მათ მოსკოვის თაოსნობით შექმნილ საბაჟო კავშირში გაწევრიანებას აიძულებს, რომელიც თავის მხრივ ევროკავშირის კონკურენტი და პუტინისეული ოცნების - საბჭოთა კავშირის რაღაც მსგავსის აღდგენა უნდა გახდეს", _ წერს „The Washington Post".
სტატიაში ნათქვამია, რომ პუტინმა სომხეთზე გამარჯვება უკვე მოიპოვა, მაშინ როდესაც მან კაპიტულაცია გამოაცხადა და განაცხადა, რომ მომავალში საბაჟო კავშორში გაწევრიანდება, რომელშიც დღეისათვის მხოლოდ დიქტატურები არიან გაწევრიანებულნი ისეთები როგორებიც არია - ბელორუსი, ყაზახეთი და რუსეთი.
„თუმცა საქართველო, მოლდოვა და უკრაინა მყარად დგანან თავის აზრზე და აცხადებენ, რომ ნოემბერში ხელს მოაწერენ შეთანხმებას, რომელიც მათ ევროკავშირისკენ გზას გაუხსნის. ეს მამაცური გადაწყვეტილებაა სამივე ქვეყნისათვის", _ წერს გაზეთი.
