რუსი პარლამენტარი, რომელიც საქართველოში მონიტორინგის ეუთოს საპარლამენტო ასამბლეის დელეგაციაში შედის ვასილი ლიხაჩოვი საქართველოში არ შეუშვეს იმის, გამო რომ ის ადრე აფხაზეთსა და ე.წ. სამხრეთ ოსეთში იყო ნამყოფი. განცხადება ამის შესახებ ეუთოს საპარლამენტო ასამბლეაში რუსული დელეგაციის ხელმძღვანელმა ალექსეი პუშკოვმა გააკეთა.
რუს ჟურნალისტებთან საუბრისას მან განაცხადა, რომ საქართველოს მთავრობამ მათ აცნობა, რომ „ლიხაჩოვის მიერ საქართველოს მონახულება შეუძლებელია".
„პუშკოვმა განმარტა, რომ საქართველოს კანონმდებლობის თანახმად, პირებს, რომლებმაც ადრე აფხაზეთი და სამხრეთ ოსეთი მოინახულეს, საქართველოში შესვლის უფლება არ აქვთ. მსგავს ინციდენტებს საქართველოს მხრიდან ადგილი ადრეც ჰქონდა", _ წერს რუსული მედია.