სრულიად საქართველოს კათოლიკოს პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ დღევანდელ საკვირაო ქადაგებაზე 2013 წლის 27 ოქტომბრის საპრეზიდენტო არჩევნების მნიშვნელობაზე ისაუბრა და საზოგადოებას იმ კანდიდატის მხარდაჭერისკენ მოუწოდა, რომელსაც "ამ ურთულეს პერიოდში ქვეყანის გაძღოლა შეეძლება".
"მალე იქნება პრეზიდენტის არჩევა. ამას ძალიან დიდი მნიშვნელობა აქვს საქართველოსთვის. ვინც მიგაჩნიათ ღირსი, რომელსაც შეუძლია ამ ურთულეს დროს გაუძღვეს ჩვენს ქვეყანას, იმას მიეცით ხმა,"- განაცხადა ილია მეორემ.
პატრიარქი 1993 წელს განვითარებულ მოვლენებსაც შეეხო და დღევანდელი ქადაგებისას სოხუმის დაცემის დღის 20 წლისთანთან დაკავშირებითაც ისაუბრა.
"შესრულდა 20 წელი, რაც დაეცა სოხუმი. ჩვენ ყელანი დევნილები ვართ, ყველანი ლტოლვილები ვართ. მე ვარ ბიჭვინთისა და ცხუმ-აფხაზეთის მიტროპოლიტი და მე არ მაქვს უფლება ჩავიდე აფხაზეთში. მაგრამ უნდა გვახსოვდეს, რომ ჩვენი მწუხარება სიხარულით შეიცვლება და ღვთის მადლით ჩვენ მალე ვიზეიმებთ საქართველოს გამთლიანება,"-აღნიშნა პატრიარქმა.
