„თუ თქვენ გსურთ თანხის დაზოგვა, მაშინ პარლამენტი დატოვეთ ქუთაისში და ვანო მერაბიშვილის პროცესები ჩანიშნეთ თბილისში,"- ამის შესახებ საპარლამენტო უმცირესობის წევრმა გოგო ხაჩიძემ დღევანდელ პლენარულ სხდომაზე განაცხადა. ხაჩიძის თქმით, მერაბიშვილის პროცესებზე იმის გამო, რომ ის ქუთაისში ჩამოიყვანონ, იხარჯება ძალიან დიდი რესურსი, რაც ხელისუფლებამ უნდა დაზოგოს.
„უკვე რამდენიმე თვეა ვანო მერაბიშვილის ადვოკატები მიმართავენ სასამართლოს, რომ პროცესები თბილისში ჩაინიშნოს, თუმცა სასამართლო ამ გადაწყვეტილებას არ იღებს. თუ რესურის დაზოგვის პოლიტიკაა, მაშინ მერაბიშვილის საქმეები თბილისში უნდა განიხილონ"- განაცხადა ხაჩიძემ.
ცნობისთვის, ხვალ ქუთაისის საქალაქო სასამართლოში ვანო მერაბიშვილის სასამარტლო პროცესია ჩანიშნული.
მასალის გამოყენების პირობები
