დღეს, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრიმა, დავით დარახველიძემ თემქის დასახლებაში ყოფილი 142-ე სკოლის შენობის სარეაბილიტაციო სამუშაოები მოინახულა. აღნიშნულ ობიექტზე სამუშაოები მიმდინარე წლის აგვისტოში დაიწყო და ნოემბრის ბოლოს დასრულდება. შენობაში არის 90 ბინა. აქედან 15-ერთ ოთახიანი; 67-ორ ოთახიანი ; 8-სამ ოთახიანი. დევნილთა შესახლება თემქის დასახლებაში გრძელვადიანი განსახლების კრიტერიუმების გათვალისწინებით მოხდება. მშენებლობაზე დასაქმებულია 15 აფხაზეთიდან იძულებით გადაადგილებული პირი.
დევნილთა და განსახლების მინისტრმა დავით დარახველიძემ მშენებლობის დათვალიერების შემდეგ აღნიშნა: „ სამშენებლო სამუშაოების ტემპი დამაკმაყოფილებელია. ნოემბრის ბოლოს უკვე მზად იქნება 90 საცხოვრებელი ბინა და 400-მდე დევნილი მიმდინარე წელს ახალმოსახლეობას იზეიმებს. ბინების განაწილება მოხდება კრიტერიუმების გათვალისწინებით და პროცესი იქნება გამჭირვალე, ნებისმიერს შეუძლია შეამოწმოს, თუ ვის რატომ მიეკუთვნა ბინა. ასევე სიები იმის შესახებ ვინ არის პრეტენდენტი გამარჯვებისა ამ ბინის მიღებაზე გამოქვეყნდება წინასწარ და ყველა დაინტერესებულ პირს და საზოგადოებრივ ორგანიზაციას, მათ შორის დევნილთა საზოგადოებრივ ორგანიზაციებს, არასამთავრობოებს ექნებათ საშუალბა წინასწარვე გადაამოწმონ სწორად არის თუ არა განაწილებული ბინები".