ისნის რაიონის გამგეობა , ყვარლის ქუჩა # 103 -ში მდებარე საცხოვრებელი კორპუსის გამაგრებას ახორციელებს, რომელიც ამხანაგობის პროგრამის ფარგლებში დაფინანსებული ბოლო გ ამაგრებითი სამუშაოების პროექტია .
გამაგრებითი სამუშაოები ისნის რაიონის გამგებელმა თორნიკე ხუციშვილმა დაათვალიერა და მოსახლეობას საკრებულოს მიერ მიღებული გადაწყვეტილება გააცნო, რომლიც თანახმადაც , ამხანაგობის პროგრამის თანადაფინანსება და თავმჯდომარებიის წახალისების პროექტები შეჩერდება. „ ეს იყო საკრებულოს თავმჯდომარისა და უმრავლესობის გაუთვლელი, არაკომპეტენტური, ულტიმატუმის შედეგად მიღებული გადაწყვეტილება, რამაც დედაქალაქის კორპუსების მცხოვრებლები დააზარალა. ის, რომ ეს თანხები გადავიდა ავარიული სახლების გამაგრების პროგრამაში, გახლავთ ტყუილი. სინამდვილეში ამ ფულს დედაქალაქში ვიდეოთვალის დამონტაჟებისა და 2015 წლის ახალგაზრდული ოლიმპიადისთვის ინფრასტრუქტურის მოსაწყობად გამოიყენებენ. შესაბამისად,
სამწუხაროდ, ჩვენ ვეღან შევძლებთ ამხანაგობის ფარგლებში იმ პროექტების გაგრძელებას, რომელიც თბილისელებს აწუხებს და მათი თხოვნით კეთდებოდა . მოსახლეობის პრობლემების მოუგვარებლობაზე მთელი პასუხისმგებლობა საკრებულოს ეკისრება," -აღნიშნა ისნის რაიონის გამგებელმა თორნიკე ხუციშვილმა.
ისნის გამგეობამ ამხანაგობის თანადაფინანსების პროექტის ფარგლებში 8 საცხოვრებელი კორპუსის გამაგრება დააფინანსა. „ საბედნიეროდ ჩვენ გაგვიმართლა და მოვასწარით თანადაფინანსების პროგმარმით კორპუსის გამაგრება. ჩვენ დამოუკიდებლად ნამდვილად ვერ მოვახერხებდით ავარიული კორპუსის პრობლემის მოგვარებას. აუცილებელია აღდგეს სრულად ამხანაგობის პროგრამები, რათა თბილისელებმა ინფრასტრუქტურული პრობლემები მოვიგვაროთ, „-აღნიშნა ამხანაგობა „ყვარლის 103" თავმჯდომარემ გიორგი საბაშვილმა.