დღეს შსს-ს აკადემიას საქართველოში აკრედიტებული საელჩოების 14 საპატიო კონსული და ოფიციალური წარმომადგენელი ეწვია. ვიზიტი გაცნობითი ხასიათის იყო. საქართველოში აკრედიტებული დიპლომატიური კორპუსის წარმომადგენლები შსს-ს აკადემიის საქმიანობას ახლოს გაეცნენ.
სტუმრებს შსს-ს აკადემიის რექტორმა ნუკრი გელაშვილმა უმასპინძლა და მისასალმებელი სიტყვით მიმართა, რის შემდეგაც აკადემიის თანამშრომლებმა დიპლომატიური კორპუსის წარმომადგენლებისათვის აკადემიაში დანერგილი სიახლეების და უწყების სტრუქტურის შესახებ პრეზენტაცია მოაწყეს. სტუმრებმა
ასევე დაათვალიერეს შსს-ს აკადემიის ინფრასტრუქტურა და სწავლების პროცესს დაესწრნენ.
აკადემიას სტუმრობდნენ აშშ-ს, ესტონეთის, ჩეხეთის, პოლონეთის, რუმინეთის, კანადის, შვედეთის, ფილიპინების, ბელგიის, ლატვიის, თურქეთის, საბერძნეთის, გერმანიისა და ერაყის საელჩოებისა და საკონსულოების ოფიციალური წარმომადგენლები.
