4 სექტემბერს, ქართულ მედიას ახალი გაზეთი „პრემიერი" შეემატა. გაზეთის გამომცემელია მედია სახლი „ჯი-ეიჩ-ენი". საზოგადოებრივ პოლიტიკური გაზეთი „პრემიერი", კვირაში ერთხელ, ყოველ ოთხშაბათს გამოვა. გაზეთი 40-გვედიანია, ფერადი და აქვს გამორჩეულად განხსხვავებული დიზაინი.
როგორც მედია ჰოლდინგი „ჯი-ეიჩ-ენის" მთავარი რედაქტორი თემურ ჭუმბურიძე აცხადებს, საზოგადოება გაეცნობა მრავალმხრივ საინტერესო მასალებს და ეს ტენდენცია მუდამ შენარჩუნდება.
„ნებისმიერი მკითხველი, რომელიც წლებია ეცნობა სააგენტო „ჯი-ეიჩ-ენის" საქმიანობას, დაგვერწმუნება, რომ ჩვენი პრივილეგია მუდამ იყო ობიექტურობა და ის, რომ არასოდეს გამოგვიხატავს არც ერთი პოლიტიკური და ფინანსური ჯგუფების ინტერესები. სამწუხაროდ, ბოლო პერიოდში ქართული მედიასივრცე საკმაოდ პოლარიზებულია. ამიტომაც გადავწყვიტეთ, რომ საზოგადოებას შევთავაზოთ ახალი ტიპის ნამდვილად ევროპული გაზეთი, სადაც ყველას ექნება შესაძლებლობა გაეცნოს ანალიტიკურ მასალებს პოლიტიკის, ეკონომიკის სხვადასხვა სფეროების, საზოგადოებრივი, კულტურული და სპორტული ცხოვრების შესახებ. ამავე დროს, საკმაოდ გამოცდილ ჟურნალისტებთან ერთად ჩვენ ასპარეზს დავუთმობთ გონერ ახალგაზრდებს. შევეცდებით საზოგადოებას ეტაპობრივად შევთავაზოთ ახალი სახეები სხვადასხვა სფეროების მიხედვით საექსპერტო და ანალიტკური მიმართულებებით", - აცხადებს თემურ ჭუმბურიძე.
მედია სახლი „ჯი-ეიჩ-ენის" გენერალური დირექტორის გოჩა მირცხულავას განცხადებით, გაზეთის გამოცემის იდეა ევროპელ კოლეგებთან კონსულტაციების შემდეგ გადაწყდა.
„ჩვენს ევროპელ კოლეგებთან კონსულტაციების შემდეგ კიდევ უფრო გაგვიმყარდა რწმენა, რომ ქართულ საზოგადოებას სჭირდებოდა ახალი სტილისა და შინაარსის გაზეთი. გაზეთის ძირითადი დიზაინი შვეიცარიელმა კოლეგებმა შემოგვთავაზეს. მათვე გაგვიწიეს კონსულტაციები ფორმასა და თემებზე. რაც შეხება ჟურნალისტთა შემადგენლობას, საზოგადოებისთვის ცნობილ ავტორებთან ერთად ჩვენ მკითხველს შევთავაზებთ ახალ, საკმაოდ საიტერესო სახელებსაც. გაზეთში ცალკეულ საავტორო მასალებთან ერთად წარმოდგენილი იქნება საკმაოდ ავტორიტეტული ექსპერტების, ანალიტიკოსებისა თუ პროფესიონალების მოსაზრებები", - აცხადებს გოჩა მირცხულავა.
მისივე თქმით, გაზეთის გამოცემასთან დაკავშირებულ ხარჯებს სრულად უზრუნველყოფს მედია სახლი „ჯი-ეიჩ-ენი".
რაც შეხება გაზეთის პირველ ნომერს, თემურ ჭუმბურიძის განცხადებით, ის საკმაოდ საინტერესოა ნებისმიერი გემოვნების მკითხველისთვის.