საპარლამენტო უმრავლესობის წევრის გედევან ფოფხაძის განცხადებით, გამოსახლებების შეჩერებასთან დაკავშირებული კანონპროექტის განხილვა ამ დროისათვის შეჩერებულია.
როგორც "ჯი-ეიჩ-ენთან" საუბარში ფოფხაძემ აღნიშნა, მთავრობა კანონპროექტის წინააღმდეგია და თუ მასთან შეთანხმება არ მოხდება, კანონპროექტი მეორე მოსმენით ჩავარდება.
„კანონპროექტის განხილვა არანაირ ეტაპზე არ არის. მე იგივე პოზიცია მაქვს ეხლა, რაც თავიდან მქონდა. უნდა შეჩერდეს გამოსახლებები და მომზადდეს პრობლემის მქონე ადამიანების ბაზა. სახელმწიფომ ყველაფერი უნდა გააკეთოს იმისათვის, რომ რომ ადამიანები უსახლკაროდ არ დარჩნენ. თუ მთავრობას არ უნდა ამ საკითხის გადაწყვეტა, ვერაფერს ვიზამთ. სამწუხაროდ, უუნარო მთავრობებიც არსებობს," - ამბობს ფოფხაძე.
შეგახსენებთ, რომ კანონპროექტი, რომელიც გამოსახლებების შეჩერებას 2014 წლის პირველ იანვრამდე ითვალისწინებს, პარლამენტმა პირველი მოსმენით მიიღო. ამის შემდეგ პროცესი მთავრობის, მევახშეებისა და ბანკების პროტესტის გამო შეჩერდა.