მეორადი ჩარიცხვის გზით ჩარიცხული სტუდენტები სწავლას, სავარაუდოდ, მეორე სემესტრიდან დაიწყებენ. ამის შესახებ ჟურნალისტებთან განათლებისა და მეცნიერების მინისტრმა თამარ სანიკიძემ განაცხადა.
,,შვიდას სტუდენტს შესაძლებლობა ექნება, რომ მეორადი ჩარიცხვის გზით ჩაირიცხოს სხვადასხვა უმაღლეს საგანმანათლებლო დაწესებულებაში. შესაძლოა მათ სწავლა დაიწყონ მეორე და არა პირველი სექტემბრიდან, რადგან სამუშაო ბევრია იმისთვის, რომ მეორადი ჩარიცხვა განხორციელდეს", _განაცხადა თამარ სანიკიძემ.
შეგახსენებთ, რომ მეორადი ჩარიცხვის წესი გაუქმებული იყო, თუმცა განათლების სამინისტრომ უმაღლესი საგანმანათლებლო დაწესებულებების მიღმა დარჩენილი სტუდენტების და მათი ოჯახის წევრების თხოვნის გათვალისწინებით გამონაკლისი დაუშვა.
