27 სექტემბერს თბილისსა და ქვეყნის რამდენიმე ქალაქში ხელისუფლების წინააღმდეგ აქციები გაიმართება.
არასამთავრობო ორგანიზაცია "ყოფილი პოლიტპატიმრები - ადამიანის უფლებებისათვის" ერთ-ერთი ხელმძღვანელის ნანა კაკაბაძის განცხადებით, აღნიშნული აქციის ჩატარების გადაწყვეტილება დღეს, თბილისის საქალაქო სასამართლოსთან განვითარებული მოვლენების შედეგად გადაწყდა.
კაკაბაძის ინფორმაციით, თბილისში აქცია ვაკის პარკის მიმდებარე ტერიტორიაზე ჩატარდება.
"27 სექტემბერს, სოხუმის დაცემის დღეს ჩვენ კიდე ერთ გრანდიოზულ შეკრებას ჩავატარებთ თბილისსა და რეგიონებში ერთდროულად. ჩვენი მთავარი მოთხოვნა ვადამდელი საპარლამენტო არჩევნების ჩატარება და არსებული მდგომარეობის სასწრაფოდ შეცვლა იქნება. უუნარო აღმოჩნდა ეს ხელისუფლება,"- განაცხადა ნანა კაკაბაძემ "ჯი-ეიჩ-ენთან" საუბრისას.
