კოალიცია "ქართული ოცნება" ლანჩხუთის რაიონული ორგანიზაციის პრაქტიკულად ყველა წევრმა დატოვა.
ამის შესახებ "ჯი-ეიჩ-ენს" "დემოკრატიული საქართველოს" ლანჩხუთის ორგანიზაციის ქალთა კომიტეტის თავმჯდომარე ნონა მურვანიძემ განუცხადა და განმარტა, რომ მმართველო კიალიციის აქტივისტების მიერ "ქართული ოცნების" დატოვების პროცესი ჯერ კიდევ გრძელდება.
"დაახლოებით 60 ადამიანი უკვე შემოგვიერთდა და ეს არის პრაქტიკულად "ქართული ოცნების" წინასაარჩევნო კამპანიის ბირთვი. ყოველდღიურად გრძელდება ეს პროცესი და კიდევ გვიერთდებიან. ხელისუფლება ამ ადამიანების მთავარ მოთხოვნას- სამართლიანობის აღდგენას ვერ გაუმკლავდა და სამართლიანობის აღდგენა "ნაციონალური მოძრაობის" წევრებთან შეთანხმებულად ხდება. ხელისუფლებამ წინასაარჩევნო დაპირებების შესრულება ვერ შეძლო, მიუხედავად იმისა, რომ უკვე 10 თვეა მთავრობა შეიცვალა, ქვეყანაში არაფერი შეცვლილა,"- განაცხადა ნონა მურვანიძემ.
მისივე თქმით, კოალიცია "ქართული ოცნების" ლანჩხუთის რაიონულ შტაბს უახლოეს მომავალში კიდევ რამდენიმე წევრი დატოვებს.