მესტიის პოლიციის უფროსი ილია გერლიანი დაკავებული თანამდებობიდან გაათავისუფლეს. როგორც "ჯი-ეიჩ-ენს" სამინისტროს პრეს-სამსახურისუფროსმა ნინო გიორგობიანმა განუცხადა, თანამდებობიდან გერლიანის გათავისუფლების მიზეზი შინაგან საქმეთა სამინისტროს გენინსპექციის მიერ ჩატარებული შემოწმების შედეგად გამოვლენილი მნიშვნელოვანი დარღვევები გახდა.
მისივე თქმით, შსს-ს გენინსპექციის მიერ ჩატარებული სამსახურებრივი შემოწმების შედეგად გამოვლენილი დარღვევევის გამო, თანამდებობრივად დაქვეითდა გერლიანის მოადგილე მანუჩარ გირგვლიანი.
"ჯი-ეიჩ-ენის" კითხვაზე, გამოვლენილი დარღვევების გამო, აღძრულია თუ არა სისხლის სამართლის საქმე აწ უკვე გათავისუფლებული მესტიის პოლიციის უფროსის წინააღმდეგ, შსს-ს პრეს-სამსახურის უფროსმა უარყოფითად უპასუხა.
ამასთან, ჯერ ჯერობით უცნობია კონკრეტულად რა სახის დარღვევებზეა საუბარი და რა გახდა მესტიის პოლიციის უფროსის თანამდებობიდან გათვისუფლების მიზეზი.
