თბილისში, ყვარლის ქუჩაზე დევნილებისთვის 82 ბინას რეაბილიტაცია უტარდება. სარემონტო სამუშაოების დასრულებამდე კი სამინისტრომ ბინების განაწილებისთვის სპეციალური განაცხადების მიღება უკვე დაიწყო. დღეს კი მინისტრი დავით დარახველიძე ყვარლის ქუჩაზე იმყოფებოდა და მიმდინარე მშენებლობა დაათვალიერა.
როგორც მინისტრმა აღნიშნა, ეს არის მასშტაბური მშენებლობა, სადაც 88 დევნილი ოჯახი სექტემბერში გადავა საცხოვრებლად. მინისტრმა ასევე აღნიშნა, რომ შენობის რეაბილიტაციის დაწყება ცოტა დაგვიანდა იქიდან გამომდინარე, რომ ის შეჭრილები იყვნენ სხვა ადამიანები და შენობის დაცლას გარკვეული დრო დასჭირდა.
„რეაბილიტაცია მიმდინარეობს ნორმალური ტემპით. გრაფიკით გათვალისწინებულია, რომ სარემონტო სამუშაოები 15 სექტემბრისთვის უნდა დასრულდეს. ამ ობიექტთან დაკავშირებული ერთი პრობლემა იყო, რამაც საკითხი დროში ცოტა გააჭიზნურა. გარკვეული დრო დასჭირდა აქ უნებართვოდ შესული ოჯახებისგან შენობის გამოთავისუფლებას. თუმცა, შენობა გათავისუფლდა და სარეაბილიტაციო სამუშაოებიც მიმდინარეობს. სექტემბრისათვის ეს ობიექტი მზად იქნება და ასეული დევნილი დაიდებს გრძელვადიან საცხოვრებელს" - აღნიშნა მინისტრმა დავით დარახველიძემ.
მშენებლობაზე თავად დევნილებიც არიან დასაქმებულები. როგორც მშენებლობაზე დასაქმებულმა ერთ-ერთმა დევნილმა იპოლიტე გამისონიამ აღნიშნა, კარგი გადაწყვეტილებაა, რომ დევნილებისთვის სარეაბილიტაციო ობიექტებზე თავად დევნილები საქმდებიან: „ჩვენ ვართ დევნილები. დაგვასაქმეს, ეს ბინები დევნილებისთვის შენდება და ბევრი ოჯახი დაკმაყოფილდება. ჩვენ კი შემოსავალი გაგვიჩნდა."
