დედაქალაქის საკრებულოს ახალი თავმჯდომარე ირაკლი შიხიაშვილი ხუთშაბათობით მოქალაქეებს მიიღებს. როგორც ჟურნალისტებთან ირაკლი შიხიაშვილმა განაცხადა, ის პირველ შეხვედრას მოქალქეებთან ხვალ, 11:00 საათიდან დაიწყებს და მიღება იქამდე გაგრძელდება სანამ მოსახლეობის ნაკადი არ შეწყდება.
"მინდა დავაფიქსირო თბილისელებისთვის, რომ ჩვენ, საკრებულოს წევრები ვაგრძელებთ მოქალაქეებთან აქტიურ ურთიერთობას. მე, როგორც საკრებულოს თავმჯდომარე ვაგრძელებ იმ ტრადიციას, რომელიც დაწყებული მქონდა ჩემი საკრებულოს წევრობის პერიოდში და ყოველთვის მქონდა ხუთშაბათობით მოსახლეობის მიღება", - განაცხადა ირაკლი შიხიაშვილმა.
შეგახსენებთ, რომ თბილისის საკრებულოს ახალი თავმჯდომარე ირაკლი შიხიაშვილი დეპუტატებმა 26 ივლისის რიგგარეშე სხდომაზე აირჩიეს.
