დიღმის მასივში საცხოვრებელი კორპუსის მეოთხე სართულზე მდებარე სახლს ცეცხლი გაუჩნდა. როგორც ,,ჯი-ეიჩ-ენთან" საუბარში ქალაქ თბილისის საგანგებო სიტუაციებისა და მართვის სააგენტოს უფროსის მოადგილემ ნოდარ ჭუმბაძემ განაცხადა ხანძრის შედეგად ერთი ოთახი დაიწვა.
,, ხანძრის შედეგად დაიწვა საცხოვრებელი სახლის ერთი ოთახი, ასევე საოჯახო ნივთები. ამ დროისთვის ცეცხლი უკვე ლიკვიდირებულია", _განაცხადა ,,ჯი-ეიჩ-ენთან" საუბარში ნოდარ ჭუმბაძემ.
მისივე განმარტებით ხანძრის შედეგად არავინ დაშავებულა.
ხანძრის გამომწვევი მიზეზების დასადგენად მიმდინარეობს მუშაობა.
