ქუთაისში, პარლამენტის შენობასთან, გეგუთის ციხეში მყოფი პატიმრის დავით მიქელაძის ოჯახის წევრები და ახლობლები პატიმრის გათავისუფლებას ითხოვენ და საპროტესტო აქციას მართავენ. მათი განცხადებით, დავით მიქელაძე მძიმედ არის დაავადებული და საკუთარი ფეხით გადაადგილება არ შეუძლია.
დავით მიქელაძე გეგუთის #14 სასჯელაღსრულების დაწესებულებაში სასჯელს უკვე 7 წელია იხიდის. როგორც მისი ოჯახის წევრები ამბობენ, მიქელაძეს ნარკოტიკული ნივთიერება ჩაუდეს და 25 წლით თავისუფლების აღკვეთა მიუსაჯეს. თუმცა შემდეგ ამნისტია შეეხო და სასჯელი 13 წლით შეუმცირდა.
„პაციენტს ეპილეფსია სჭირს. მძიმე ფორმებშია. მკურნალობს, მაგრამ მკურნალობას შედეგი არ აქვს. თვითონ ვერ დადის და პატიმრები ეხამრებიან გადაადგილებაში. ორი მცირეწლოვანი შვილი ჰყავს. ვითხოვთ, რომ პატიმარი გამოუშვან, რადგან 31 წლის კაცი დაავადმყოფებულია. რა ნარკოტიკები, როცა ხელები შრომით გადატყაული ჰქონდა," - ამბობს პატიმრის დედა მარგო მიქელაძე.