სადახლოს საბაჟო გამშვებ პუნქტზე შემოსავლების სამსახურის საბაჟო დეპარტამენტის თანამშრომლებმა ოქროს არადეკლარიებული ნივთები აღმოაჩინეს. კერძოდ, 26 ივლისს ს.გ.პ. „სადახლო"-ს ტერიტორიაზე სომხეთიდან სომხეთის მოქალაქე არმინე ბ შემოვიდა, რომელსაც არადეკლარირებული საქონელი, ოქროს ნივთები: 9ც ბეჭედი, 10ც კულონი, 5ც ჯვარი, 7ც სამაჯური, 1ც კოლიე, 2ც ყელსაბამი და 2 წყვილი საყურე, საერთო წონით 149.31გრ აღმოაჩნდა.
შემოსავლების სამსახურის საბაჟო დეპარტამენტის დასკვნის თანახმად, აღნიშნული ნაკეთობების სატარიფო ღირებულებამ 7539.89 ლარი შეადგინა. შესაბამისად, სომხეთის მოქალაქეს შეეფარდა სანქცია: საგადასახადო კოდექსის 289 მუხლის 10 ნაწილის საფუძველზე დაეკისრა ჯარიმა 7539.89 ლარის ოდენობით.