საქართველოს პატრიარქი უწმინდესი და უნეტარესი ილია მეორე 23-30 ივლისს რუსეთის ნათლისღების 1025 წლისთავთან დაკავშირებით მოსკოვში, კიევსა და მინსკში ჩავა.
ზუგდიდისა და ცაიშის მიტროპოლიტის გერასიმე შარაშენიძის თქმით, სრულიად საქართველოს კათალიკოს-პატრიარქი ილია მეორე დელეგაციის წევრებთან ერთად რუსეთის პატრიარქს შეხვდება.
მისივე განცხადებით, საქართველოსა და რუსეთის ეკლესიებს შორის აფხაზეთის თემა და ქართველი მეფეების გადმოსვენების საკითხები განიხილება.
