დედაქალაქის საკრებულოს უმრავლესობის გადაწყვეტილებით, დღეს, 19 ივლისს, თბილისის საკრებულო რიგგარეშე სხდომას გამართავს. რიგგარეშე სხდომაზე საკრებულოს კომისიების თავმჯდომარეების გადაყენების საკითხი დადგება. როგორც მამუკა კაციტაძემ განაცხადა, საკითხი დადგება გათავისუფლების ნაწილში და არა ახლის არჩევის ნაწილში.
მისივე განცხადებით, საკრებულოს 25 დეპუტატის ინიციატივით დღეს რიგგარეშე სხდომა აუცილებლად ჩატარდება, თუმცა, "ნაციონალურ მოძრაობასთან" კონსულტაციები გაგრძელდება.
საკრებულოს უმცირესობასა და უმრავლესობას შორის რიგგარეშე სხდომის დღის წესრიგთან დაკავშირებით მოლაპარაკებები გუშინ ორჯერ გაიმართა.
