,,ოქტომბრის არჩევნები საქართველოსთვის ერთ-ერთი ტესტი იქნება", _განაცხადა ლიტვის პრემიერ-მინისტრმა ალგირდას ბუტკევიჩმა საქართველოს პრემიერთან ბიძინა ივანიშილთან შეხვედრის შემდეგ გამართულ ერთობლივ პრესკონფერენციაზე.
ალგირდას ბუტკევიჩმა იმედი გამოთქვა, რომ სწორედ ლიტვის თავმჯდომარეობის დროს მოეწერება ხელი საქართველოსა და ევროკავშირს შორის ასოცირების შეთანხმებას.
,,ლიტვის თავმჯდომარეობის დროს ასოცირების ხელშეკრულების შეთანხმება ერთ-ერთი პრიორიტეტული საკითხია. ამჟამად მოსამზადებელი პროცესი მიმდინარეობს და სამიტამდე ყველაფერი შესრულდება. პრემიერისგან ასევე მივიღეთ პირობა, რომ ოქტომბერში საქართველოში დაგეგმილი არჩევნები დემოკრატიულად ჩატარდება და მას ბევრი დამკვირვებელი დაესწრება", _განაცხადა ალგირდას ბუტკევიჩმა.