,,ჩემი კოლეგა დავარწმუნე, რომ ოქტომბრის არჩევნები სანიმუშო იქნება", _განაცხადა ლიტვის პრემიერ-მინისტრთან ალგირდას ბუტკევიჩუსთან შეხვედრის შემდეგ გამართულ ერთობლივ პრესკონფერენციაზე საქართველოს პრემიერმა ბიძინა ივანიშვილმა.
ივანიშვილის განცხადებით, 2013 წლის საპრეზიდენტო არჩევნები დიდი ზეგავლენას მოახდენს ნოემბერში დაგეგმილ ვინიუსის სამიტზე.
,,27 ნოემბერს ვილნიუსის სამიტზე იგეგმება ევროკავშირთან ასოცირების შეთანხმების პარაფირება და ჩვენი ძირითადი მიზანი, ვფიქრობ, რომ აბსოლუტურად მიღწევადია. ოქტომბრის არჩევნები, რა თქმა უნდა, გავლენას მოახდენს. თქვენც გარწმუნებთ და ჩემი კოლეგაც დავარწმუნე და ჩვენს ფართო შეხვედრაზეც ხაზი გავუსვით რომ საქართველოს ისტორიაში ოქტომბრის არჩევნები სანიმუშო იქნება. ჩვენ მოვახერხებთ და პირველად სახელმწიფო რესურსები არ იქნება გამოყენებული რომელიმე ერთი კანდიდატის სასარგებლოდ", _განაცხადა ივანიშვილმა.
