სასტუმრო "ჰოლიდეი ინნში" საპარლამენტო ეთიკის კოდექსის შექმნაზე დეპუტატები არასამთავრობო სექტორის წარმომადგენლებთან მსჯელობენ. როგორც კონფერენციაზე სიტყვით გამოსვლისას პარლამენტის თავმჯდომარემ დავით უსუფაშვილმა განაცხადა საკანონმდებლო ორგანო უნდა იყოს ხმაურიანი, მაგრამ დეპუტატებმა უნდა დაიცვან ეთიკის ნორმები.
,,პარლამენტი არის გაცილებით უფრო ხმაურიანი, ვიდრე წინა პარლამენტი იყო და პარლამენტი ხმაურიანი უნდა უყოს. თუ არ არის ხმაური და არ არის მწვავე დებატები, ზოგჯერ ემოციური დებატებიც მაშინ საზოგადოებაში იქნება მწვავე დებატები, ემოციური გამოსვლები და ხმაური, რომელიც კარგს არაფერს მოუტანს ქვეყანას. მაგრამ თუ ეთიკის ნორმებსაც ყურადღება არ მივაქციეთ მაშინ დებატები გადაიზარდება ცოტა სხვა რამეში ეს არც საქმის კეთების საშუალებას მოგვცემს და არც ხალხს, საზოგადოებას მოუტანს სიკეთეს", _განაცხადა უსუფაშვილმა.